Травматологик ва ортопедик хизмат сифати оширилмоқда

Ҳудудда махсус травматологик ва ортопедик хизмат сифатини оширишда услубий амалий ёрдам кўрсатиш мақсадида 11-16 март кунлари Республика ихтисослаштирилган травматология ва ортопедия илмий-амалий тиббиёт маркази директори ўринбосари Муҳаммадамин Асомов, умумий ортопедия бўлими мудири Олим Жобберганов, бўлим мутахассиси Зафар Холов вилоятимизда бўлиб, маҳаллий шифокорлар иштирокида тиббий кўриклар ташкил қилдилар. Тиббий кўрикларнинг биринчи кунида вилоят кўп тармоқли тиббиёт марказида Урганч шаҳри ва туманида истиқомат қилувчи беморларга тиббий маслаҳатлар берилган бўлса, иккинчи кун пойтахтдан келган мутахассислар Хива тумани ва шаҳрида бўлдилар. Кейинги тиббий кўриклар Гурлан ва Янгибозор, Шовот ва Қўшкўпир туманлари аҳолиси учун ташкил қилинди.  Тиббий кўрикларда 200 дан зиёд беморлар қамраб олинди.