17 май – Бутунжаҳон артериал гипертонияга қарши кураш куни

17 май – Бутунжаҳон артериал гипертонияга қарши кураш куни

Хоразм вилоят кўп тармоқли тиббиёт марказида сана муносабати билан  акция ташкил қилинди. Акцияда  шифохонада муолажа олаётган беморлар ва уларнинг яқинлари, маслаҳат поликлиникасига тиббий кўрикдан ўтиш учун келган юртдошларимизнинг қон босимлари ўлчаниб, уларга зарур тавсиялар берилди. Шунингдек, марказ ходимлари ҳам гипертонияга текширилди.
Жаҳон гипертонияга қарши кураш лигаси ташаббуси билан 2005 йилдан буён ҳар йили 17 май куни Бутунжаҳон артериал гипертонияга қарши кураш куни сифатида нишонланади. 
Мақсад кенг  жамоатчиликни юқори қон босими хавфидан огоҳ қилишдир.
Маълумки, артериал гипертония энг кўп тарқалган юрак-қон томир тизими касаллиги ҳисобланади. Унинг асосий белгиси юқори қон босимидир.
Юқори қон босими эса юрак хуружи ва инсульт хавфининг етакчи омили саналади. У ўлим ва ногиронликка олиб келиши мумкин. Акция давомида шифокорлар артериал гипертензия тугрисида кенг тушунча бердилар.